Ծովախեցգետնի ձողիկներով նոր, թարմացնող ու շատ համեղ աղցան, որ գարնան շունչ կբերի ձեր սեղանին

Առաջարկում ենք պատրաստել ծովախեցգետնի ձողիկներով և թարմ վարունգով աղցան, որը դուր կգա ձեր ընտանիքի անդամներին:

Անհրաժեշտ բաղադրիչներ.

ծովախեցգետնի ձողիկներ՝ 500գ
եփած ձու՝ 5 հատ
պահածոյացված եգիպտացորեն՝ 1 տուփ
թարմ վարունգ՝ 200գ
մայոնեզ
պինդ պանիր՝ 100գ
սխտոր՝ 3 պճեղ
թարմ սամիթ՝ 1 կապ
Պատրաստման եղանակ.

Ծովախեցգետնի ձողիկները կտրատել փոքր խորանարդիկների: Նույն ձև կտրատել նաև վարունգը: Ձուն և պանիրն անցկացնել քերիչով: Եգիպտացորենը լցնել խորը տարայի մեջ:

Այստեղ ավելացնել ձողիկներն ու վարունգը, ձուն և պանիրև: Ճզմել սխտորը և մայոնեզի հետ միասին ավելացնել մյուս բաղադրիչներին:

Մանր կտրատել կանաչին, ավելացնել աղցանին և լավ խառնել:

Աղցանը պատրաստ է, բարի ախորժակ: