Հերթական Բլոգերը, Ով Մագայից Հետո Խայտառակվեց Սուրեն Շահվերդյանի Հաղորդման Ժամանակ

«Քաղցած սպասում էին» հաղորդումն այս շաբաթ կրկին քննարկումների տեղիք է տվել համացանցային օգտատերերի շրջանում: Այս անգամ նրանք հյուրընկալվել էին բլոգեր Շուշանիկ Տեր-Հովհաննիսյանին, ով հայտնի է Chuchi Shushi անունով:

Հաղորդման շրջանակներում սովորության համաձայն՝ հյուրի հետ գնում են առևտրի: Երբ Շուշանիկն ու Սուրեն Շահվերդյանը մի քանի անգամ մոտենում են դրամարկղին, Սուրենն առաջարկում է ինքը վճարել, ինչին Chuchi Shushi-ն առանց վարանելու և անհարմար զալու, միանգամից համաձայնում է: Հաղորդման եթեր գնաուց հետո Chuchi Shushi-ն Instagram-ի իր էջի story բաժնում խոստովանել է, որ բազմաթիվ քննադատական նամակներէ ստացել, որում հետևորդները նշում էին, որ ամոթ և խայտառակություն էր, որ նա թույլ տվեց վճարել Սուրենին այն դեպքում, երբ նա իրենց հյուրն էր:

Շուշանիկը նշում է, որ իր համար դա նորմալ երևոււյթէ, քանի որ հաղորդման ձևաչափն է այդպիսին, ավելին՝ բարձրաձայն նշում է, որ իրականում իրենք չէին հրավիրել նրանց:

Հավելենք, որ օրերս բլոգեր Մագայի մասնակցությամբ «Քաղցած սպասում են» հաղորդումը մեծ աղմուկ է բարձրացրել, ինչի վերաբերյալ Մագան Starnews-ին ասել է հետեւյալը.

«Այն, որ նրանք չունեին տարրական քաղաքավարություն ու կուլտուրա, շեղվել էին իրենց ձևաչափից, փորձում էին խելքս ստուգել, իսկ ես հասկանում էի, որ մասնակցում եմ «Քաղցած սպասում» են հաղորդմանը, որ սա «Ամենախելացին» հաղորդումը չէ, ի վերջո, կարող էի հրաժարվել այդ հարցերից, ինչը չարեցի, սակայն իմ դաստիարակությունը դա թույլ չտվեց, փորձել եմ նրանց լեզվով պատասխանել, զարմանում եմ հեռուստադիտողի վրա, որ չեն հասկացել, որ ծաղրել և հեգնել եմ: Սուրենը երկու տարուց պապիկիս թայ է դառնալու, ու իր համար աննորմալ է, որ օրինակ՝ կարող եմ տանից հողաթափերով դուրս գալ, սակայն իմ հետևորդներն ինձ հասկանում են»,-նշել էր Մագան:

Տվյալ թողարկումը բավական աղմկահարույց էր ստացվել, քանի որ Մագան չէր կարողացել նախ պատասխանել, թե ի՞նչ կլինի 7×6, ապա կատակելով ասել էր. «Աղյուսյակն ի՞նչ է»:

Նույն թողարկման ընթացքում Մագան չէր տարբերել Թումանյանին Չարենցից, ինչպես նաև ցույց էր տվել, որ չի տիրապետում ռուսերենին:

Ավելի ուշ Սուրենը Մագայի վերաբերյալ Starnews-ի հետ զրույցում նշել է հետևյալը.

«Եթե Մագան հաշվել իմանար, կհասկանար, որ ես երկու տարի հետո իր պապիկի տարիքին չեմ կարող լինել, սա ևս մեկ անգամ ապացուցում է նրա մաթեմատիկական ունակությունների «թռիչքը»: Եվս մեկ ապացույց, որ նա պրիմիտիվ հաշվել չգիտի: Հաղորդման ընթացքում պարզ երևացին նրա գիտելիքները: Նրա գործունեությունը վտանգավոր է երիտասարդների համար, քանի որ նա շատ դեռահասների համար օրինակ է: Շատ բլոգերներ, լինելով անհեթեթ և տգետ, վտանգ են ներկայացնում, քանի որ լուրջ քանակի հետևորդներ ունեն:

Ի դեպ, հաղորդման մեջ Մագան ասում է, որ Աստված չանի իր հետևորդները պակասեն, ինձ համար ցանկալի է, որ այդպես լինի, քանի որ երիտասարդների խորհուրդ կտամ հետևել լուրջ մարդկանց, գրագետ մարդկանց, ովքեր կարող են օգուտ տալ հասարակությանը: Մագան վատ օրինակ է ծառայում: Մեր ցավը և դժբախտությունը գալիս են տգիտությունից, տգետների մի մեծ խումբ հայտնվել է մեր իշխանության մեջ, որոշում կայացնողների մեջ շատ են նրանք, մարդիկ, ովքեր պրոֆեսիոնալ չեն: Ինչ վերաբերում է Մագային, նա պրիմիտիվ գիտելիքներ չունի, դա ակնհայտ է, մի բան էլ հպարտանում է դրանով»: